بسم الله الرحمن الرحيم
السلام عليكم ورحمته الله وبركاته
.. مسسسآء او صبآح .. كيفكم اخباركم وش مسوي المهم ما اطول عليكم اتركمم مع شعر واهداء مني لكم ..
ا
انا ادري اني حيل احبه واهواه .. وانا ادري ان القلب صار بدينه
اموت انا به في غيابه واحياه .. وشلون لو صافحتني يمينه
حاولت انا اكتم عبرتي يوم فرقاه .. وألملم جروح الزمان الطعينه
واعطيه من قلب المعنى معاناه .. واخذ جروحه لو هي دفينه
واضيع به في زحمه الناس وانساه .. وانسى معه ذكرى السنين وحنينه
لقيت نفسي كل ما حل طارياه .. عروق قلبي كلها تقول وينه
يآمر على قلبي ولا شك ينهاه .. كلي انا تحت الاشاره رهينه
ما كل من يضحك سعيد بديناه .. و ماكل من يبكي دموعه حزينه
احدن بكى والكل يدري عن بكاه .. وحدن مع الضحكه تحس بونينه
ياشين فرقى الحب وياشين بلواه .. و المشكله دينا بلأآ حب شينه
ومايكمل ولو كان ماحلأه .. الا حبيبي ما تعير بزينه
ماجيت اسولف عن حلآه ومزاياه .. يكفي احاسيسي وقلبي عارفينه
كن الفضا في غيبته ضاق مسعاه .. وكني غريق ينتظر له سفينه
شف دنيتي يا صاحبي عقب فرقاه .. مثل الضلأم اللي حصل بالمدينه
باكتبه انا في صفحه الشعر واقراه .. وباذبحه بزود الغلآ دون سكينه
وبارسمه في لوحه الشعر وانعاه .. و بادفنه بين الضلوع الحنينه
بوسط الحشا في داخل الصدر مثواه .. اما يسار القلب ولآ يمينه
تحيآتي ..